Gulden Agro – аграрлық секторда заманауи су үнемдеу технологияларын қолдану арқылы өркендеу мен дамуға ұмтылған ортақ идея төңірегінде біріккен адамдар тобы.
Біз суару жүйелерін «кілт тапсыру» қағидаты бойынша іске асыратын оператор ретінде клиенттерімізге жай ғана тауарларды емес, кешенді ирригациялық шешімдерді ұсынамыз: бастапқы деректерді дұрыс жинау, суару жүйелерін экономикалық тұрғыдан тиімді әрі негізделген жобалау (оның ішінде мемлекеттік сараптамадан өткізу үшін), үздік өндірушілерден жабдықтарды жедел жеткізу, сапалы монтаждау және кепілді сервистік қызмет көрсету.
Суару жүйелерін «кілт тапсыру» қағидаты бойынша ұсына отырып, біз барлық кезеңдерде техникалық шешімдердің негізділігін, дұрыс таңдалуын және сапалы енгізілуін бақылаймыз. Бұл сорғы станциялары, сүзгілеу станциялары, магистральдық құбырларды төсеу, тыңайтқыш енгізу тораптары, суару жүйелерін қашықтан басқару, сондай-ақ өсірілетін дақылдың түріне, топырақтың механикалық құрамына, жер телімінің конфигурациясына, климаттық жағдайларға, пайдалану мерзіміне және басқа да факторларға байланысты суару тәсілін, жылдамдығын және қарқындылығын оңтайлы таңдауды қамтиды.
Жетекші компанияларда жинақтаған тәжірибеміз, сенімді отандық және шетелдік өндірушілермен ынтымақтастығымыз, сондай-ақ Қазақстанда жалпы ауданы 15 000 гектардан асатын алқаптарда тамшылатып және жаңбырлатып суару жүйелерін енгізудегі практикалық тәжірибеміз бізге сенімді серіктес болуға мүмкіндік береді. Қарқынды бау-бақша шаруашылығы, көкөніс өсіру, дәндік және сүрлемдік жүгері, жоңышқа және басқа да малазықтық дақылдарды өсіру салаларындағы тәжірибеміз жеке фермерлер мен ірі агрохолдингтерге тұрақты түрде жоғары әрі сапалы өнім алуға қол жеткізу жолында сенімді қолдау көрсетуге негіз болады!









